مفاهيم اساسية لغة البرمجة Programming Language

 مفاهيم اساسية لغة البرمجة Programming Language

لغة البرمجة (Programming Language)

الأول قبل ما نتعلم لغات البرمجة لازم نعرف إيه هي لغة البرمجة او إيهلازمتها وليه لازم أتعلمها الموضوع بسيط جدا

لغات البرمجة

المشكلة هي إن الكمبيوتر مش بيفهم اللغة اللي انت بتتكلم بيها دي ولا اي لغة الانسان بيتكلم بيها ولا انجليزي ولا عربي ولا اي حاجة
ليـــــــــــــة
لأن الكمبيوتر ألة و أنت أنسان و ال أله ليها لغة بتعرف تتعامل بيها أسمها لغة الألة (Machine Language)
يعني أيــــــــة لغة الألة دي …؟!
هبسطهالك
أي ألة في الدنيا مش بتعرف غير حاجتين 2 بس
أول حاجة أن فيه كهربا و ده بترجمة الألة لرقم واحد
تاني حاجة أن مفيش كهربا أو كهربا ضعيفة و في الحالة دي بتترجمة ل 0
برضة مش فاهمين
يعني من الاخر اي اله مش بتحس ولا بتعرف تتعامل باي حاجة غير الكهربا يا فيه يا مفيش
و أحنا كبشر مش بنعرف نتكلم باللغة دي اللي هي 0-1 أو حتي مش هنعرف نعامل الكمبيوتر بيها لأنها معقدة لينا أحنا كبشر
طيب و الحل
ناس قالت نخللي الكمبيوتر يفهم لغتنا و توحدوا أن تكون اللغة الانجليزية هي اللغة اللي هيعلموها للكمبيوتر
و طبعا ده فشل
كده ولا أحنا عارفين نفهم الكمبيوتر ولا الكمبيوتر قادر يفهمنا زي ما تقابل واحد صيني لا انت فاهمة ولا هو فاهمك
ففي ناس فكرت قالت ليه منعملش لغة تانية يفهمها البشر والألة
تكون وسيط
زي بالظبط لما تقابل الراجل الصيني ده و تكلمة هتكلمة ايه انجليزي لان دي اللغة المشتركة بينك و بينة انت فاهمها و هو كمان فاهمها
وصلت ؟!!
واللغة اللي دي بنسميها في البرمجة High Level Language
هي دي بقي لغة البرمجة اللي عايز تعريف دقيق فيها هيلاقية في ويكيبديا
معتقدش ان فيه تعريف اسهل من اللي انا قولتة
تمام
بعد ما عرفنا ايه هي لغة البرمجة فاضلنا نعرف ايه هي أنواعها و خواصها  لانها زيها زي اي لغة في الدنيا ليها قواعد (Grammer)
وليها حاجات كتير أستنوا الجزء الجاي لو في حاجة مفهمتهاش أكتب كومنت و سيبلي ايميلك علشان لما ينزل الجزء الجاي تعرف

هذا الشرح برعاية نيو سوفت

معلومات حول الموضوع

العنوان : مفاهيم اساسية لغة البرمجة Programming Language
الوصف :  مفاهيم اساسية لغة البرمجة Programming Language لغة البرمجة (Programming Language) الأول قبل ما نتعلم لغات البرمجة لازم نعرف إيه هي لغة البر...
تقييم الموضوع : 4.5
الكاتب : غير معرف